മന്ത്രി വീണാ ജോർജിനെഅപമാനിച്ചെന്ന കേസിൽ ക്രൈം നന്ദകുമാർ അറസ്റ്റിൽ

 

കൊച്ചി:

സംസ്ഥാന ആരോഗ്യമന്ത്രി വീണാ ജോർജിനെ  സാമൂഹ്യ മാധ്യമങ്ങളിലൂടെ അപമാനിച്ചെന്ന കേസിൽ ക്രൈം വാരിക പത്രാധിപർ നന്ദകുമാർ അറസ്റ്റിലായി. എറണാകുളം സൈബർ പൊലീസാണ് നന്ദകുമാറിനെ അറസ്റ്റ് ചെയ്തത്. യു ട്യൂബ്, ഫേസ്ബുക്ക്  എന്നിവയടക്കമുളള സാമൂഹ്യമാധ്യമങ്ങളിലൂടെ അധിക്ഷേപിച്ചെന്നാരോപിച്ച് മന്ത്രിയുടെ പ്രൈവറ്റ് സെക്രട്ടറിയാണ് പൊലീസിൽ പരാതിപ്പെട്ടത്.

ഡിജിപിക്ക് നൽകിയ പരാതി അന്വേഷണത്തിനായി തൃക്കാക്കര സൈബർ സ്റ്റേഷന് കൈമാറുകായിരുന്നു. തുടർന്ന് കേസെടുത്ത പൊലീസ് നന്ദകുമാറിനെ അറസ്റ്റ് ചെയ്തുകയായിരുന്നു. അറസ്റ്റിലായ നന്ദകുമാറിനെ പൊലീസ് എറണാകുളം സിജെഎം കോടതിയിൽ ഹാജരാക്കി. ചോദ്യം ചെയ്യാനായി വിളിച്ചുവരുത്തിയ ശേഷമാണ് അറസ്റ്റ് രേഖപ്പെടുത്തിയത്.

പ്രാഥമിക അന്വേഷണത്തില്‍ നന്ദകുമാര്‍ സ്ത്രീത്വത്തെ അപമാനിച്ചതായി കണ്ടെത്തിയെന്നാണ് പൊലീസ് വ്യക്തമാക്കുന്നത്.