1.3 കിലോ കഞ്ചാവുമായി യുവാവ് അറസ്റ്റിൽ
കുന്ദമംഗലം:
പത്താം മൈല്‍ ഭാഗത്ത് കുന്ദമംഗലം എക്സൈസ് റേഞ്ച് പാര്‍ട്ടിയും എക്സൈസ് ഇന്‍റലിജന്‍സ് ബ്യൂറോയും സംയുക്തമായി നടത്തിയ റെയ്ഡില്‍ 1.3 കിലോഗ്രാം കഞ്ചാവുമായി യുവാവ് പിടിയിലായി. കോഴിക്കോട് നന്മണ്ട കൂടത്തുംകണ്ടി വീട്ടില്‍ അജയ് രാജിനെ (30) ആണ് എക്സൈസ് ഇന്‍സ്പെക്ടര്‍ മനോജ് പടിക്കത്തും പാര്‍ട്ടിയും ചേര്‍ന്ന് അറസ്റ്റ് ചെയ്തത്. പ്രതിയെ കുന്ദമംഗലം കോടതി മുമ്പാകെ ഹാജരാക്കി റിമാന്‍റ് ചെയ്തു. പ്രിവന്‍റീവ്ഒഫീസര്‍ ഹരീഷ്.പി.കെ,മനോജ് കുമാര്‍.വി സിവില്‍ എക്സൈസ് ഒഫീസര്‍മാരായ ജിനീഷ്.എ.എം ,അജിത്ത്.പി ,അര്‍ജുന്‍ വൈശാഖ്.എസ്.ബി എക്സൈസ് ഡ്രൈവര്‍ കെ.ജെ.എഡിസണ്‍ എന്നിവരും റെയ്ഡില്‍ പങ്കെടുത്തു.
