ദേശീയ സീനിയർ വനിതാ ഫുട്‌ബോൾ ചാമ്പ്യൻഷിപ്പ്: കേരളം പുറത്തായി
കോഴിക്കോട്:
ദേശീയ സീനിയർ വനിതാ ഫുട്‌ബോൾ ചാമ്പ്യൻഷിപ്പിൽ ക്വാർട്ടർ കാണാതെ കേരളം ആദ്യ റൗണ്ടിൽ തന്നെ പുറത്തായി. ഇന്ന് മധ്യപ്രദേശിനോട്‌ സമനില നേടിയതാണ്‌ കേരളത്തിന്റെ പ്രതീക്ഷ ഇല്ലാതാക്കിയന്. കേരളത്തിനായി സി രേഷ്‌മയും മധ്യപ്രദേശിനായി പാലകും ഒരോ ഗോൾ വീതം നേടി സമനില പാലിക്കുകയായിരുന്നു.
കേരളം ഉൾപ്പെട്ട ഗ്രൂപ്പ്‌ ജിയിൽ നിന്ന്‌ മിസോറാമാണ്‌ ക്വാർട്ടർ ബർത്ത് ഉറപ്പിച്ചത്‌. കോഴിക്കോട് കോർപറേഷൻ ഇ.എം.എസ്‌ സ്റ്റേഡിയത്തിലായിരുന്നു മത്സരം. ഗോൾ നേടി വിജയിക്കാൻ നിരവധി അവസരങ്ങൾ ഉണ്ടായിരുന്നെങ്കിലും അതൊന്നും മുതലാക്കാൻ കേരളത്തിനായില്ല.
