മിനി വോളി: ഡയറക്ഷനും വോളി ഫ്രന്‍റ്സും ജേതാക്കൾ
കോഴിക്കോട്:
ജില്ല മിനി വോളിബാൾ ചാമ്പ്യൻഷിപ്പിൽ ആൺകുട്ടികളിൽ വോളി ഫ്രന്‍റ്സ് പയമ്പ്രയും പെൺകുട്ടികളിൽ ഡയറക്ക്ഷൻ ചാത്തമംഗലവും ജേതാക്കളായി. ഫൈനലിൽ ഏകപക്ഷീയമായ രണ്ട് സെറ്റുകൾക്ക് പാറ്റേൺ കാരന്തൂരിനെ തോൽപ്പിച്ചാണ് വോളി ഫ്രന്‍റ്സ് ജേതാക്കളായത്. ഒന്നിനെതിരെ രണ്ട് സെറ്റുകൾക്ക് പാറ്റേണിനെ കീഴടക്കിയാണ് ഡയറക്ഷൻ ചാത്തമംഗലം ജേതാക്കളായത്. കേരള വോളിബാൾ അസോസിയേഷന്‍റെ അംഗീകാരം നഷ്ടമായതിനെ തുടർന്ന് സ്പോർട്സ് കൗൺസിൽ നേരിട്ടാണ് ചാമ്പ്യൻഷിപ്പ് നടത്തിയത്. സമാപന ചടങ്ങിൽ മുൻ ദേശീയ താരം ഗീത വളപ്പിൽ ട്രോഫികൾ വിതരണം ചെയ്തു. ജില്ല സ്പോർട്സ് കൗൺസിൽ പ്രസിഡണ്ട് ഒ. രാജഗോപാൽ അധ്യക്ഷനായിരുന്നു. ഇ. അച്യുതൻ നായർ, ഇ. കോയ, എ. മൂസഹാജി, കെ.വി ദാമോദരൻ എന്നിവർ സംസാരിച്ചു.
