തിരുവനന്തപുരത്ത് ആശുപത്രിക്ക് സമീപം വൻ തീപിടിത്തം

 

തിരുവനന്തപുരം:

പിആർഎസ് ആശുപത്രിക്ക് സമീപം വൻ തീപിടിത്തം. ആക്രിക്കടയുടെ ഗോഡൗണിലാണ്‌ തീപിടിച്ചിരിക്കുന്നത്. ചെറിയ പുകയായി തുടങ്ങിയ ശേഷം പെട്ടെന്ന് വലിയ തീഗോളമായി മാറുകയായിരുന്നു. ഇതിനോട് ചേർന്ന് അഞ്ചോളം കടകളും, തീപിടിച്ചതിന് തൊട്ടുപുറകിൽ ഒരു വീടുമുണ്ട്. വീട്ടിലുള്ളവരെ നാട്ടുകാർ മാറ്റിയത് വൻ അപകടം ഒഴിവാക്കി. ടയർ കത്തി കറുത്ത പുകയുയർന്നത് പരിഭ്രാന്തി പരത്തി. മൂന്ന് യൂണിറ്റ് ഫയർ ഫോഴ്‌സ് സ്ഥലത്തെത്തിയിട്ടുണ്ട്. രണ്ട് വശങ്ങളിൽ നിന്ന് വെള്ളം ചീറ്റിയാണ് തീയണച്ചത്. ലക്ഷങ്ങളുടെ നഷ്ടമുണ്ടെന്നാണ് പ്രാഥമിക നിഗമനം.