സോഫ്റ്റ്‌ ടെന്നീസ്: കോഴിക്കോടും പാലക്കാടും ജേതാക്കൾ
കോഴിക്കോട്:
കേരള സോഫ്റ്റ്‌ ടെന്നീസ് അസോസിയേഷന്റെ ആഭിമുഖ്യത്തിൽ കോസ്മോ പൊളിറ്റൻ ക്ലബ്ബിൽ നടന്ന ഏഴാമത് സംസ്ഥാന ജൂനിയർ സോഫ്റ്റ്‌ ടെന്നീസ് ചാമ്പ്യൻഷിപ്പിൽ ആൺകുട്ടികളുടെ വിഭാഗത്തിൽ കോഴിക്കോടും പെൺകുട്ടികളുടെ വിഭാഗത്തിൽ പാലക്കാടും ജേതാക്കളായി. ആൺകുട്ടികളിൽ തൃശ്ശൂരും പെൺകുട്ടികളിൽ കോഴിക്കോടും രണ്ടാം സ്ഥാനം നേടി.
ജില്ലാ സ്പോർട്സ് കൗൺസിൽ അംഗം കെ.പി.യു അലി ജേതാക്കൾക്ക് ട്രോഫി സമ്മാനിച്ചു. ഏ.കെ മുഹമ്മദ്‌ അഷ്‌റഫ്‌ അധ്യക്ഷത വഹിച്ചു. കെ.വി അബ്ദുൽ മജീദ്, എൻ. ഷിബു, പി. ഷഫീഖ്, സി.ടി ഇൽയാസ്, ഗുലാബ് ഖാൻ, ഏ.എം നൂറുദ്ധീൻ മുഹമ്മദ്‌ എന്നിവർ സംസാരിച്ചു.
