മുൻ കഞ്ചാവ് കേസിലെ പ്രതിയായ സ്ത്രീ 3.1 കിലോ കഞ്ചാവുമായി വീണ്ടും അറസ്റ്റിലായി

 

കുന്ദമംഗലം: 

മുൻ കഞ്ചാവ് കേസിലെ പ്രതി ജാമ്യം കിട്ടി പുറത്തു ഇറങ്ങി വീണ്ടും കഞ്ചാവ് കച്ചവടം ചെയ്യുന്നതിനിടെ കുന്ദമംഗലം എക്സൈസിന്റെ പിടിയിലായി. ചേക്രോൻ വളപ്പിൽ  കമറുന്നീസയാണ് 3.1 കിലോ കഞ്ചാവുമായി പിടിയിലായത്.

കുന്ദമംഗലം എക്സൈസ് ഇൻസ്‌പെക്ടർ മനോജ് പടികത്തിന്റെ നേതൃത്വത്തിൽ നടത്തിയ പരിശോധനയിലാണ് ഇവർ പിടിയിലായത്.

  ജാമ്യം ലഭിച്ചു പുറത്തു വന്ന പ്രതി എക്സൈസിന്റെ  നിരീക്ഷണത്തിൽ ആയിരുന്നു. മുൻപ് എൻ.സി.പി.എസ്.   കേസിൽ കമറുന്നീസ ജയിൽ ശിക്ഷ അനുഭവിച്ചിരുന്നു. എക്സൈസ്സ് പാർട്ടിയിൽ പ്രിവന്റീവ് ഓഫീസർ ഹരീഷ് പി.കെ, ഗ്രേഡ് പി.ഒ. മനോജ് കുമാർ, സിവിൽ എക്സൈസ് ഓഫീസർമാരായ അജിത്, അർജുൻ വൈശാഖ്, അഖിൽ,നിഷാന്ത് വുമൺ സിവിൽ എക്സൈസ് ഓഫീസർ ലതമോൾ എക്സൈസ് ഡ്രൈവർ എഡിസൺ എന്നിവരും പങ്കെടുത്തു.