കൊടുവള്ളിയില്‍ വിദ്യാര്‍ഥി പുഴയില്‍ വീണ് മരിച്ചു
കൊടുവള്ളി:
പൂനൂര്‍ പുഴയില്‍ വീണ് വിദ്യാര്‍ഥി മരിച്ചു. കൊടുവള്ളി റിയാളുസ്വാലിഹീന്‍ അറബിക് കോളജിലെ വിദ്യാര്‍ഥിയായ ഒതയോത്ത്പുറായില്‍ ആലപ്പുറായില്‍ ഉസൈന്‍ഹാജിയുടെ മകന്‍ മുഹമ്മദ് ഫവാസ് (19) ആണ് മരിച്ചത്. പൂനൂര്‍ പുഴയില്‍ കൊടുവള്ളി കടവില്‍ തിങ്കളാഴ്ച വൈകിട്ട് ആറേ കാലോടെയാണ് സംഭവം. കൂട്ടുകാര്‍ക്കൊപ്പം കുളിക്കുന്നതിനിടെ അപകടത്തില്‍പ്പെട്ടതാണെന്നാണ് വിവരം. നാട്ടുകാര്‍ ഉടന്‍ തന്നെ കോഴിക്കോട് മെഡിക്കല്‍ കോളജ് ആശുപത്രിയിലെത്തിച്ചെങ്കിലും രക്ഷിക്കാനായില്ല.
