നൂജൻ മയക്കുമരുന്ന് എം.ഡി.എം.എ.യുമായി യുവതി അറസ്റ്റിൽ

 

നാദാപുരം: 

ന്യൂജൻ മയക്കുമരുന്നുമായി എം.ഡി.എം.എ.യുമായി യുവതി പിടിയിലായി. തൊട്ടിൽപ്പാലത്ത് വാടകയ്ക്ക് താമസിക്കുന്ന പാലേരി സ്വദേശിനി കുന്നോത്ത് ശരണ്യ (25)യിൽനിന്നുമാണ് 740 മില്ലിഗ്രാം എം.ഡി.എം.എ. പിടികൂടിയത്. നാദാപുരം ഡിവൈ.എസ്.പി. ടി.പി. ജേക്കബിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണ് അറസ്റ്റ് '

മൊകേരിയിലെ നിർമല ടാക്കീസിന് സമീപത്തു മാരക മയക്കുമരുന്ന് വിൽപ്പനയ്ക്കായി കൊണ്ടുവന്നപ്പോഴാതായിരുന്നു യുവതി പിടിയിലായത്.  

സ്ഥിരമായി മയക്കുമരുന്ന് വാങ്ങുന്ന ആളെ ചോദ്യംചെയ്തതിൽനിന്നാണ് ശരണ്യയെക്കുറിച്ച് വിവരം ലഭിച്ചത്. ആവശ്യക്കാർ എന്ന വ്യാജേന പോലീസ് ശരണ്യയെ മൊകേരിയിലേക്ക് വിളിച്ചുവരുത്തുകയായിരുന്നു. ആരിൽനിന്നാണ് ശരണ്യ മയക്കുമരുന്ന് വാങ്ങുന്നതെന്നും മറ്റും കണ്ടെത്തേണ്ടതുണ്ടെന്ന് പരിശോധനയ്ക്ക് നേതൃത്വം നൽകിയ എസ്.ഐ. ടി. ഷമീർ പറഞ്ഞു. എസ്.ഐ. ബാബു മമ്പാട്ടിൽ, എ.എസ്.ഐ. മനോജ്, വനിതാ സിവിൽ പോലീസ് ഓഫീസർ രജനി, ഡ്രൈവർ അജീഷ് എന്നിവരും അന്വേഷണ സംഘത്തിലുണ്ടായിരുന്നു.