കട്ടിപ്പാറ കൃഷിഭവൻ-മൃഗാശുപത്രി ബൈപ്പാസ് ഉദ്ഘാടനം ചെയ്തു

 

കട്ടിപ്പാറ: 

കട്ടിപ്പാറ കൃഷിഭവൻ - മൃഗാശുപത്രി ബൈപ്പാസ് റോഡ് ഉദ്ഘാടനം ആവേശമായി. കട്ടിപ്പാറ ടൗണിൽ നിന്നും വാദ്യമേളങ്ങളുടെ അകമ്പടിയോടുകൂടി അതിഥികളെ സ്വീകരിച്ച് ആനയിച്ചു. ബൈപ്പാസിൻ്റെ ഉദ്ഘാടനം ഡോ. എം.കെ. മുനീർ എം.എൽ.എ നിർവ്വഹിച്ചു.റോഡിൻ്റെ വികസനത്തിന് സൗജന്യമായി സ്ഥലം വിട്ടു നല്കിയ ഹോളി ഫാമിലി ചർച്ച്, സിബി ഇട്ടിയപ്പാറ, അജിത സുരേന്ദ്രൻ വടക്കേപുരയിൽ, സോമൻ വടക്കേപുരയിൽ, മുഹമ്മദ് ഹാജി സ്രാമ്പിക്കൽ, മേരി യൂജിൻ പള്ളിയോടിൽ എന്നിവരെ ആദരിച്ചു. ഗ്രാമ പഞ്ചായത്ത് ഫണ്ടും തൊഴിലുറപ്പ് ഫണ്ടും സംയോജിതമായി 48 ലക്ഷം രൂപ ചിലവഴിച്ചാണ് പദ്ധതി പൂർത്തീകരിച്ചത്.

ഗ്രാമ പഞ്ചായത്ത് പ്രസിഡണ്ട് മുഹമ്മദ് മോയത്ത് അദ്ധ്യക്ഷത വഹിച്ചു. യോഗത്തിൽ വൈസ് പ്രസിഡണ്ട് ജിൻസി തോമസ്, സ്റ്റാൻ്റിങ്ങ് കമ്മിറ്റി ചെയർമാൻമാരായ അനിൽ ജോർജ്, മുഹമ്മദ് ഷാഹിം, ബേബി രവീന്ദ്രൻ, ബ്ലോക്ക് പഞ്ചായത്ത് അംഗം നിധീഷ് കല്ലുള്ളതോട്, ഗ്രാമ പഞ്ചായത്ത് സെക്രട്ടറി എം.എ. റഷീദ്, ഫാദർ.റോയി വള്ളിയാം തടത്തിൽ, ഹാരിസ് അമ്പായത്തോട്, സി.പി. നിസാർ, മുഹമ്മദ് റിഫായത്ത്,നിനീഷ് കട്ടിപ്പാറ, സി.കെ.സി. അസൈനാർ, അസ്ലം തേനങ്ങൽ തുടങ്ങിയവർ സംസാരിച്ചു. പ്രേംജി ജെയിംസ് സ്വാഗതവും അബൂബക്കർകുട്ടി നന്ദിയും പറഞ്ഞു..