ഹരിദാസൻ കൊലപാതകം: നാല്‌ പേർ അറസ്‌റ്റിൽ.
കണ്ണൂർ:
പുന്നോൽ താഴെവയലിലെ സിപിഐ എം പ്രവർത്തകൻ ഹരിദാസനെ കൊലപ്പെടുത്തിയ കേസിൽ നാല്‌ ആർഎസ്‌എസ്‌ പ്രവർത്തകർ അറസ്‌റ്റിൽ. ബിജെപി മണ്ഡലം പ്രസിഡന്റ്‌ ലിജേഷ്‌, വിമിൻ, അമൽ മനോഹരൻ, സുമേഷ്‌ എന്നിവരാണ്‌ അറസ്‌റ്റിലായത്‌. ഗൂഢാലോചന കുറ്റം ചുമത്തിയാണ്‌ അറസ്‌റ്റ്‌. ഇന്നലെ ഇവർ ഉൾപ്പെടെ ഏഴുപേരെ കസ്‌റ്റഡിയിൽ എടുത്തിരുന്നു.
മീൻപിടിത്തത്തൊഴിലാളിയായ ഹരിദാസൻ ജോലികഴിഞ്ഞ്‌ തിങ്കൾ പുലർച്ചെ ഒന്നരയോടെ വീട്ടിലെത്തി ഭാര്യയുടെ കൈയിൽ മീൻ നൽകി മുറ്റത്ത്‌ കൈകഴുകുന്നതിനിടെ‌യായിരുന്നു ആക്രമണം. വീടിന്‌ സമീപം ബൈക്കുകളിലെത്തി പതിയിരുന്ന സംഘം ചാടിവീണ്‌ വടിവാളും മഴുവും കൊണ്ട്‌ തലങ്ങും വിലങ്ങും വെട്ടി കൊലപ്പെടുത്തുകയായിരുന്നു.
