താമരശ്ശേരി ചുരത്തിൽ തീപ്പിടിത്തം: അഗ്നിശമന സേന അണച്ചു

 

താമരശ്ശേരി: 

താമരശ്ശേരി ചുരത്തിൽ തീപ്പിടിത്തം. ഒരു മണിക്കൂർ കഴിഞ്ഞതോടെ അഗ്നിശമന സേന അണച്ചു. വ്യാഴാഴ്ച രാത്രി 7.25 ഓടെയാണ് ചുരം ഒന്നാം വളവിന് സമീപം തീപടർന്ന് തുടങ്ങിയത്. ഉടൻ ചുരം സംരക്ഷണ സമിതി പ്രവർത്തകർ അഗ്നിശമനാസേനയെ അറിയിക്കുകയായിരുന്നു. മുക്കം അഗ്നി രക്ഷാ നിലയത്തിൽ നിന്നും അഗ്നി രക്ഷാസേനയെത്തി 8.45 ഓടെ തീപൂർണ്ണമായും അണച്ചു. എങ്ങനെയാണ് തീപിടിത്തം ഉണ്ടായതെന്ന് വ്യക്തമല്ല.