കോഴിക്കോട് ജില്ലയിൽ 55 പേര്‍ക്ക് കോവിഡ്:52പേർക്ക് രോഗമുക്തി
കോഴിക്കോട് ജില്ലയില്‍ ഇന്ന് 55 കോവിഡ് പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫീസർ അറിയിച്ചു. സമ്പര്‍ക്കം വഴി 52 പേർക്കും ഉറവിടം വ്യക്തമല്ലാത്ത 3 പേർക്കുമാണ് രോഗം സ്ഥിരീകരിച്ചത്. 1,595 പേരെ പരിശോധനക്ക് വിധേയരാക്കി. ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സികള്‍, വീടുകള്‍ എന്നിവിടങ്ങളില്‍ ചികിത്സയിലായിരുന്ന 52 പേര്‍ കൂടി രോഗമുക്തി നേടി. നിലവിൽ 498 പേരാണ് ജില്ലയിൽ കോവിഡ് ബാധിതരായി ഉള്ളത്.
