ശ്രീനഗറിൽ മൂന്ന് ലഷ്‌കര്‍-ഇ-തൊയ്ബ ഭീകരര്‍ കൊല്ലപ്പെട്ടു
ശ്രീനഗർ:
ശ്രീനഗറില്‍ ഏറ്റുമുട്ടലില്‍ മൂന്ന് ലഷ്‌കര്‍-ഇ-തൊയ്ബ ഭീകരര്‍ കൊല്ലപ്പെട്ടു. ഖാന്‍മോഹ് കൊലപാതകത്തില്‍ പങ്കുള്ളവരാണ് മരിച്ചതെന്ന് പൊലീസ് അറിയിച്ചു. പ്രതികളില്‍ നിന്ന് ആയുധങ്ങളും വെടിക്കോപ്പുകളും ഉള്‍പ്പെടെ മറ്റ് കുറ്റകരമായ വസ്തുക്കള്‍ കണ്ടെത്തി. സ്ഥലത്ത് കൂടുതല്‍ പേര്‍ ഉണ്ടെന്നാണ് നിഗമനം. പ്രദേശത്ത് തെരച്ചില്‍ പുരോഗമിക്കുകയാണ്.
കഴിഞ്ഞ രണ്ട് ദിവസമായി ജമ്മു കശ്മീര്‍ പൊലീസിന്റെയും അര്‍ദ്ധസൈനിക സേനയുടെയും സംയുക്ത സംഘം ശ്രീനഗറിലെ നൗഗാം പരിസരം വളഞ്ഞിരുന്നു. തീവ്രവാദികളുടെ സാന്നിധ്യത്തെക്കുറിച്ചുള്ള വിവരങ്ങളെത്തുടര്‍ന്നായിരുന്നു നടപടി. ഇതിനിടെ സേനയ്ക്ക് നേരെ ഭീകരര്‍ വെടിയുതിര്‍ക്കുകയായിരുന്നു. കൊല്ലപ്പെട്ട തീവ്രവാദികളെ തിരിച്ചറിഞ്ഞിട്ടില്ലെങ്കിലും ഇവര്‍ സര്‍പഞ്ചിലെ കൊലപാതകത്തില്‍ പങ്കുള്ളവരാണ്. മാര്‍ച്ച് 9 നാണ് ഖോന്‍മോയില്‍ സര്‍പഞ്ചായ ഭട്ട് കൊല്ലപ്പെടുന്നത്.
