സാമൂഹിക സംരംഭകത്വ വികസന പദ്ധതി: തയ്യല്‍ മെഷീന്‍ വിതരണം ചെയ്തു.
താമരശേരി രൂപതയുടെ സാമൂഹ്യ സേവന വിഭാഗമായ സിഒഡി എന്‍ജിഒ കോണ്‍ഫെഡറേഷന്റെ സഹകരണത്തോടെ സാമൂഹിക സംരംഭകത്വ വികസന പദ്ധതിയുടെ ഭാഗമായി തയ്യല്‍ മെഷീന്‍ വിതരണം ചെയ്തു. 50ശതമാനം സബ്‌സിഡിയോടെയാണ് തയ്യല്‍ മെഷീനുകള്‍ നല്‍കിയത്. താമരശേരി രൂപത ബിഷപ്പ് മാര്‍ റെമീജിയോസ് ഇഞ്ചനാനിയില്‍ ഉദ്ഘടനം ചെയ്തു. സിഒഡി ഡയറക്ടര്‍ ഫാ. ബിജോ എബ്രഹാം അധ്യക്ഷത വഹിച്ചു. ലീഡര്‍ഷിപ്പ് ഡെവലപ്പിംഗ് സൊസൈറ്റി ഡയറക്ടര്‍ ഫാ.സായി പാറന്‍കുളങ്ങര, പ്രോഗ്രാം കോര്‍ഡിനേറ്റര്‍ കെ.സി.ജോയ്, സിഒഡി പ്രൊജക്ട് ഓഫീസര്‍ സിദ്ധാര്‍ഥ് എസ് നാഥ്, ഏരിയ കോഓര്‍ഡിനേറ്റര്‍ ത്രേസ്യാമ്മ തോമസ് എന്നിവര്‍ പ്രസംഗിച്ചു.
