സംസ്ഥാത്തെ തിയറ്ററുകളിൽ ബുധനാഴ്ച മുതൽ പ്രദർശനം:രണ്ടു ഡോഡ് വാക്സിന് സ്വീകരിച്ചവർക്ക് പ്രവേശനം
തിരുവനന്തപുരം:
ആറു മാസത്തെ ഇടവേളയ്ക്ക് ശേഷം സംസ്ഥാനത്തെ തിയെറ്ററുകള് ഇന്ന് തുറക്കും. ബുധനാഴ്ച മുതലാണ് പ്രദർശനം തുടങ്ങുക.
രണ്ടു ഡോസ് വാക്സിന് സ്വീകരിച്ച 50 ശതമാനം ആളുകള്ക്കു മാത്രമാകും പ്രവേശനം. ജയിംസ് ബോണ്ട് ചിത്രം നോ ടൈം ടു ഡൈ, വെനം 2 എന്നിവയാകും ആദ്യ ദിനമായ ബുധനാഴ്ച പ്രദർശിപ്പിക്കുക. നവംബർ 12ന് ദുൽഖർ സൽമാൻ നായകനാകുന്ന കുറുപ്പ് റിലീസ് ചെയ്യും. കോവിഡ് വ്യാപനത്തിൽ പലയിടങ്ങളിലും വലിയ കുറവില്ലാത്ത സാഹചര്യത്തിലാണ് തിയറ്ററുകൾ തുറക്കുന്നതിൽ അശങ്ക പുലർത്തുന്നവരുമുണ്ട്.
സര്ക്കാരിനോട് കൂടുതല് ഇളവ് ആവശ്യപ്പെട്ടിരിക്കുകയാണ് കൊച്ചിയില് ചേര്ന്ന തിയെറ്റര് ഉടമകളുടെ യോഗം. കഴിഞ്ഞ ദിവസം സിനിമ മന്ത്രിയുമായി തിയെറ്റർ ഉടമകള് നടത്തിയ ചര്ച്ചയിൽ തിയെറ്ററുകള് പൂട്ടിക്കിടന്ന സമയത്തെ കെട്ടിട നികുതി, വിനോദ നികുതി എന്നിവ ഒഴിവാക്കുന്നതില് തീരുമാനം ഉണ്ടാകുമെന്ന് മന്ത്രി അറിയിച്ചിട്ടുണ്ട്.
