കൊച്ചുകുട്ടിയുടെ പ്രിയപ്പെട്ട വസ്തു ഇതുവരെ കിട്ടിയില്ല: ആ ഓട്ടോ എവിടെ, കോഴിക്കോട് തിരയുകയാണ്

 

കോഴിക്കോട്: 

ഓട്ടോറിക്ഷയിൽ മറന്ന ആ കൊച്ചുകുട്ടിയുടെ പ്രിയപ്പെട്ട വസ്തു എവിടെയാണ്.  ആ ഓട്ടോ എവിടെയെന്ന്  കോഴിക്കോട് തിരയുകയാണ്. 

ഇന്നലെ (12.11.21) വൈകുന്നേരം 6മണി സമയത്ത് കോഴിക്കോട് മനോരമ ജംഗ്ഷന് സമീപം ക്രസന്റ് ഫ്ലാറ്റിനു സമീപത്തു നിന്നു ഓട്ടോയിൽ (ആപേ സിറ്റി ആണെന്ന് തോന്നുന്നു) എരഞ്ഞിപ്പാലം - കാരപ്പറമ്പ് റോഡിൽ ക്രാഫ്റ്റ് വാഗൺ  എന്ന സ്ഥാപനത്തിൽ ഓട്ടോ ഇറങ്ങിയ കോഴിക്കോട് ഫറൂഖ് കോളേജ് സ്വദേശി മുഹമ്മദ് ഷാലിജ്  ആണ് ബാഗ് വെച്ചു മറന്നത്. ആ ബാഗിൽ ഒരു കൊച്ചുകുട്ടിയുടെ പ്രിയപ്പെട്ട വസ്തു അതിലുണ്ട്. ആ ബാഗ് കിട്ടുന്നവർ/അറിയുന്നവർ ദയവായി 88918 58493 എന്ന നമ്പറിൽ ബന്ധപ്പെടണം.

എത്തിക്കുന്നവർക്ക് തക്കതായ പ്രതിഫലം നൽകാനും ഉടമസ്ഥൻ തയ്യാറാണ്. സത്യസന്ധതയിൽ ഏറെ പ്രശംസ നേടിയ ഓട്ടോറിക്ഷക്കാർ ഉള്ള സ്ഥലമാണ് കോഴിക്കോട്. ലക്ഷങ്ങളുടെ വസ്തുക്കൾ ഓട്ടോറിക്ഷയിൽ മറന്ന വെച്ച ഉടമയ്ക്ക് തിരികെ നൽകി സംതൃപ്തി നേടുന്നവരാണ് ഇവിടെത്തെ ഓട്ടോ സമൂഹം. അതു കൊണ്ട് ആ കൊച്ചു കുട്ടിയുടെ പ്രിയ വസ്തു തിരികെ കിട്ടുമെന്ന് തന്നെയാണ് പ്രതീക്ഷ.

നടി മാലാ പാർവതി ഉൾപ്പെടെയുള്ളവർ ഈ വിവരം സോഷ്യൽ മീഡിയയിൽ പങ്കുവെച്ചതോടെ ആ പ്രിയ വസ്തു കുട്ടിക്ക് തിരികെ എത്തിക്കണമെന്ന അന്വേഷണത്തിലാണ് മിക്കവരും.