കുളിക്കുന്നതിനിടെ വിദ്യാർത്ഥി പുഴയിൽ മുങ്ങി മരിച്ചു

 

മുക്കം: 

കൂട്ടുകാരുമൊത്ത് കുളിക്കുന്നതിനിടെ വിദ്യാർത്ഥി പുഴയിൽ മുങ്ങി മരിച്ചു.

കാരശ്ശേരി കക്കാട് പുതിയേടത്ത് നജീബ് സുധീന ദമ്പതികളുടെ മകൻ നിഹാൽ (11) ആണ് മരിച്ചത്. കാരശ്ശേരി ഇരുവഞ്ഞിപുഴയിൽ ഇന്ന് വൈകിട്ട് - 3.30 ന് കുളിക്കുന്നതിനിടയിലായിരുന്നു അപകടം.  കൊടിയത്തൂർ ജി.എം യു.പി സ്കൂളിലെ ആറാം ക്ലാസ് വിദ്യാർത്ഥിയാണ് നിഹാൽ.

 കുളിക്കുന്നതിനിടെ മുങ്ങി താഴ്ന്നതോടെ കൂട്ടുകാർ തൊട്ടടുത്തുള്ള നാട്ടുകാരെ വിവരം അറിയിക്കുകയായിരുന്നു.  മുക്കത്ത് നിന്ന് വന്ന ഫയർഫോഴ്സും നാട്ടുകാരും ചേർന്ന് പ്രദേശത്ത് തിരച്ചിൽ നടത്തിയതിനെ തുടർന്ന് കുട്ടിയെ കണ്ടെത്തി  ഉടൻ  ആശുപത്രിയിലേക്ക് കൊണ്ടു പോകുന്ന വഴി മരണപ്പെടുകയുമായിരുന്നു. 

നദീം, നാദിയ, സിംല. എന്നിവർ സഹോദരങ്ങളാണ്.