ആഡംബര കപ്പലിൽ പുതുവർഷം ആഘോഷിക്കാൻ അവസരമൊരുക്കി കെഎസ്ആർടിസി

 

കോഴിക്കോട്: 

അറബിക്കടലിൽ  പുതുവർഷം ആഘോഷിക്കാൻ അവസരം ഒരുക്കി  കെഎസ്ആർടിസി.

കൊച്ചിയിലെത്തി ആഡംബര കപ്പലായ ക്രൂയിസ് നെഫെർറ്റിറ്റിയിൽ 5 മണിക്കൂർ സ്പെഷ്യൽ ഇവൻ്റിലും പങ്കാളികളാകാനാകും. രസകരമായ ഗെയിമുകൾ, തത്സമയ സംഗീതം, നൃത്തം,

ബുഫെ ഡിന്നർ, വിഷ്യലൈസിംഗ് ഇഫക്റ്റുകളും പവർ പാക്ക്ഡ് മുസിക് സിസ്റ്റവും അടങ്ങുന്ന ഓൺബോർഡ് ലക്ഷ്വറി ലോഞ്ച് ബാർ, കുട്ടികളുടെ കളിസ്ഥലവും തിയേറ്ററും തുടങ്ങിയവ കപ്പലിലുണ്ടാകും.

ജനുവരി ഒന്നിന് രാവിലെ 8.30 ന് കോഴിക്കോട് നിന്നും ഒൻപത് മണിയ്ക്ക് മലപ്പുറത്ത് നിന്നും 10.30 ന് പാലക്കാട് നിന്നും പുറപ്പെടുന്ന ലോ ഫ്ലോർ ബസുകളിലാണ് ഈ ഇവൻ്റിൽ പങ്കെടുക്കാനുള്ളവരെ  കെ.എസ്.ആർ.ടി.സി. എത്തിക്കുക. 

11 വയസും അതിനുമുകളിലും ഉള്ളവർക്ക് 3499 രൂപയും 05-10 വയസുള്ളവർക്ക് 1999 രൂപയുമായാണ് ഇവൻറിൽ പങ്കെടുക്കാനുള്ള നിരക്ക്.

 ഇവൻറിൽ പങ്കെടുക്കാൻ കോഴിക്കോട്, മലപ്പുറം: 9995726885 9995090216,

8589038725, പാലക്കാട്: 8714062425, തിരുവനന്തപുരം: 9747314149 എന്നീ നമ്പറുകളിൽ ബുക്ക് ചെയ്യണം.