ഉന്നത വിജയികളെ അനുമോദിച്ചു
പൂനൂര്‍:
എസ്.എസ്.എല്‍.സി, പ്ലസ്ടു പരീക്ഷകളില്‍ ഉന്നത വിജയം നേടിയവരെ പൂനൂര്‍ ഐ ഗേറ്റ് അക്കാദമിയുടെ ആഭിമുഖ്യത്തില്‍ അനുമോദിച്ചു. വ്യാപാര ഭവന്‍ ഓഡിറ്റോറിയത്തില്‍ നടന്ന ചടങ്ങ് അഡ്വ. സച്ചിന്‍ദേവ് എം.എല്‍.എ ഉദ്ഘാടനം ചെയ്തു. ഐ ഗേറ്റ് മാനേജിംഗ് ഡയരക്ടര്‍ സി.കെ മൊയ്തീന്‍കുട്ടി അധ്യക്ഷത വഹിച്ചു. ഉണ്ണികുളം ഗ്രാമപഞ്ചായത്ത് പ്രസിഡന്റ് ഇന്ദിര ഏറാടിയില്‍ മുഖ്യാതിഥിയായിരുന്നു.
പ്രിന്‍സിപ്പല്‍ ഫായിസ് കെ.പി, അഷ്റഫ് എ.കെ, സി.കെ. സലീം മാസ്റ്റര്‍, ജലീല്‍ എന്‍, ഫസല്‍ വാരിസ്, കെ.ഷമീര്‍ സംസാരിച്ചു. ട്രഷറര്‍ ഖമറുല്‍ ഇസ്ലാം സ്വാഗതവും വൈസ് പ്രിന്‍സിപ്പല്‍ സോജിത്ത് ശ്രീനിവാസ് നന്ദിയും പറഞ്ഞു.
