പിജി ഡോക്ടർമാർ സമരം പിൻവലിച്ചു: ഇന്നു മുതൽ ജോലിയിൽ പ്രവേശിക്കും

 കോഴിക്കോട്:

സംസ്ഥാനത്ത് പിജി ഡോക്ടർമാർ നടത്തിവന്ന സമരം പിൻവലിച്ചു. മെഡിക്കൽ കോളജുകളിൽ 16 ദിവസമായി പിജി ഡോക്ടർമാർ നടത്തിവന്ന സമരമാണ് പിൻവലിച്ചത്. ഇന്നു മുതൽ ഇവർ ജോലിയിൽ പ്രവേശിക്കും.മുഖ്യമന്ത്രിയുടെ ഓഫീസിൽ നിന്ന് തങ്ങളുടെ ആ‍വശ്യങ്ങളിൽ ഉറപ്പ് ലഭിച്ചതിന്‍റെ അടിസ്ഥാനത്തിലാണ് സമരം പിൻവലിക്കുന്നതെന്ന് ഡോക്ടർമാരുടെ സംഘടന അറിയിച്ചു.

വിവിധ ആവശ്യങ്ങൾ ഉന്നയിച്ച് മുഖ്യമന്ത്രിക്ക് ഡോക്ടർമാർ നേരത്തെ നിവേദനം നൽകിയിരുന്നു. ആരോഗ്യമന്ത്രിയുമായ നടത്തിയ ചർച്ചകളിൽ ഇവരുടെ ആവശ്യങ്ങൾ അംഗീകരിച്ചങ്കിലും സമരം തുടരുകയായിരുന്നു.