പ്രായപൂർത്തിയാകാത്ത പെൺകുട്ടിയെ പീഡിപ്പിച്ച പുതുപ്പാടി സ്വദേശി അറസ്റ്റിൽ
താമരശ്ശേരി:
പതിനേഴ്‌വയസുകാരിയെ പീഡിപ്പിച്ച പുതുപ്പാടി സ്വദേശി പൊലീസ്‌ പിടിയിൽ. പുതുപ്പാടി കാക്കവയൽ കാരക്കുന്നുമ്മൽ പ്രതീഷ്(43)നാണ്‌ താമരശേരി സിഐ ടി എ അഗസ്‌റ്റിൻ അറസ്റ്റ് ചെയ്‌തത്‌. പെൺകുട്ടിയെ നാലാം ക്ലാസിൽ പഠിക്കുമ്പോൾ മുതൽ പീഡിപ്പിക്കുകയായിരുന്നുവെന്നാണ് പരാതി. ഭയത്തെ തുടർന്ന് പുറത്ത് പറയാതിരുന്ന പെൺകുട്ടി ഈയിടെയാണ് സംഭവം വെളിപ്പെടുത്തുന്നത്. തുടർന്ന് പ്രതിയെ പോക്സോ ആക്റ്റ് പ്രകാരം കേസെടുത്ത് അറസ്റ്റ് ചെയ്യുകയായിരുന്നു. കോഴിക്കോട് പോക്സോ കോടതിയിൽ ഹാജറാക്കിയ പ്രതിയെ 14 ദിവസത്തേക്ക് റിമാണ്ട് ചെയ്തു.
