സോഫ്റ്റ് ബേയ്സ് ബോൾ: സ്പോർട്ടിങ്ങ് പ്രൊവയ്ൻസ് കൊടുവള്ളിയും മടപ്പള്ളി ഗവ.കോളേജും ചാമ്പ്യൻമാർ

 

പുതുപ്പാടി:  

ഈങ്ങാപ്പുഴ എം. ജി.എം ഹയർ സെക്കൻ്ററി സ്കൂളിൽ നടന്ന ജില്ലാ സീനിയർ സോഫ്റ്റ് ബേയ്സ്ബോൾ  ചാമ്പ്യൻഷിപ്പിൻ്റെ ഫൈനലിൽ പുരുഷ വിഭാഗത്തിൽ മടപ്പള്ളി ഗവ.കോളേജിനെ പരാജയപ്പെടുത്തി സ്പോർട്ടിങ്ങ് പ്രൊവയ്ൻസ് കൊടുവള്ളിയും

 വനിതാ വിഭാഗത്തിൽ കൈതപ്പൊയിൽ ലിസ്സാ കോളേജിനെ  പരാജയപ്പെടുത്തി മടപ്പള്ളി ഗവ.കോളേജും ചാമ്പ്യൻമാരായി.

എംജിഎം ഹയർ സെക്കൻ്റെറി സ്കൂൾ ഹെഡ്മാസ്റ്റർ റെനി വർഗ്ഗീസ് ചാമ്പ്യൻമാർക്ക് ട്രോഫികൾ വിതരണം ചെയ്തു. ഏഷ്യൻ ഗെയിംസ് സ്വർണ്ണ മെഡൽ ജേതാവും ഇന്ത്യൻ ടീം ക്യാപ്റ്റനുമായ മുഹമ്മദ് മുസ്തഫ മുഖ്യാതിഥിയായിരുന്നു.

അസോസിയേഷൻ ജനറൽ സെക്രട്ടറി എഡ്വേർഡ് പി.എം അദ്ധ്യക്ഷത വഹിച്ചു.

സംസ്ഥാന  സെക്രട്ടറി എബി മോൻ മാത്യു,  ട്രഷറർ ഷിജോ സ്കറിയ, കോച്ചുമാരായ വിപിൻ സോജൻ, ഷഫീഖ്, ആദർശ് എന്നിവർ പ്രസംഗിച്ചു.