ടി. നസിറുദ്ദീൻ- ആദരസൂചകമായി ഇന്ന് സംസ്ഥാന വ്യാപകമായി കടകൾ അടച്ചിടുമെന്നും വ്യാപാരി വ്യവസായി ഏകോപന സമിതി

 

കോഴിക്കോട്: 

അന്തരിച്ച കേരള വ്യാപാരി വ്യവസായി ഏകോപന സമിതി പ്രസിഡൻ്റ് ടി. നസിറുദ്ദീനോടുള്ള 

ആദര സൂചകമായി വെള്ളിയാഴ്ച സംസ്ഥാന വ്യാപകമായി കടകൾ അടച്ചിടുമെന്നും ജനറൽ സെക്രട്ടറി രാജു അപ്സര അറിയിച്ചു. പിതൃതുല്യനായി കണ്ടിരുന്ന അദ്ദേഹത്തിന്റെ വേർപാട് വ്യക്തിപരമായും തനിക്ക് കനത്ത നഷ്ടവും ആഘാതവും സൃഷ്ടിച്ചിരിക്കുകയാണെന്നും അദ്ദേഹം പറഞ്ഞു.

വ്യാപാരി സമൂഹത്തിന്റെ അവകാശങ്ങൾ സംരക്ഷിക്കുന്നതിന് വേണ്ടി പടപൊരുതുകയും, നിർഭയരായി വ്യാപാരം ചെയ്യുന്നതിനു വേണ്ട സാഹചര്യം നേടിയെടുത്തു നൽകുകയും ചെയ്ത കേരളത്തിലെ വ്യാപാരികളുടെ ഹൃദയങ്ങളിൽ നിർണ്ണായകമായ സ്വാധീനം നേടുകയും ചെയ്ത വ്യാപാരികളുടെ അപ്പോസ്തലൻ ടി. നസിറുദ്ദീന്റെ വേർപാട് വ്യാപാരി സമൂഹത്തിന് താങ്ങാനാവാത്തതും അനാഥത്വം നൽകുന്നതുമാണെന്ന് കേരള വ്യാപാരി വ്യവസായി ഏകോപന സമിതി സംസ്ഥാന ജനറൽ സെക്രട്ടറി രാജു അപ്സര തന്റെ അനുശോചന സന്ദേശത്തിൽ അറിയിച്ചു.