ഗൾഫിൽ നിന്നും മരണപ്പെട്ട മടവൂർമുക്ക് സ്വദേശി ഖാദറിൻ്റെ ഖബറടക്കം ഇന്ന്

 

മടവൂർ:

ഗൾഫിൽ നിന്നും മരണപ്പെട്ട മടവൂർമുക്ക്  എടോത്ത് ഖാദർ  എന്നവരുടെ ജനാസ വെള്ളി രാവിലെ  കോഴിക്കോട് എയർപോർട്ടിൽ എത്തും.

 അൽബസാമി ഇന്റർനാഷണൽ  ട്രാൻസ്‌പോർട്ട് കമ്പനിയിൽ ഇരുപത് വർഷത്തോളമായി ജോലി ചെയ്തു വരുന്ന അബ്ദുൽ ഖാദറിന് ഖമീസ് മുഷൈത്തിൽ വെച്ചു ഹൃദയഘാതം വരികയും സൗദി ജർമൻ ഹോസ്പിറ്റലിൽ ചികിത്സയിലിരിക്കെയുമാണ് മരണപ്പെട്ടത്. ഇന്ത്യൻ എംബസി സി.സി.ഡബ്ലിയു മെമ്പറും ഖമീസ് മുഷൈത്ത് കെ.എം.സി.സി ലീഗൽ സെൽ ചെയർമാനുമായ ഇബ്രാഹിം പട്ടാമ്പി യാണ് മയ്യിത്ത് നാട്ടിലെത്തിക്കുന്നതിനു വേണ്ട നടപടി ക്രമങ്ങൾക്ക് നേതൃത്വം നൽകിയത്. കമ്പനി യുമായി ബന്ധപ്പെട്ട പ്രവർത്തനങ്ങൾക്ക് റിയാദിൽ നിന്നും ഷമീർ പുത്തൂർ, ജിദ്ദ എയർപ്പോർട്ട് കാർഗോ യുമായി ബന്ധപ്പെട്ട് ജിദ്ദ കെ.എം.സി.സി വെൽഫെയർ കമ്മിറ്റി അംഗം മുഹമ്മദ്‌ കുട്ടി മഞ്ചേരി, വക്കാലത്ത് ഏറ്റെടുത്ത നാസർ മടവൂർ മുക്ക് തുടങ്ങിയവരും സജീവമായുണ്ടായിരുന്നു.  അബഹ എയർപ്പോർട്ടിൽ നിന്നും ജിദ്ദ എയർപ്പോർട്ടിലേക്ക് എത്തിച്ച മയ്യിത്ത്  അവിടെ നിന്നും  കോഴിക്കോട് എയർപ്പോർട്ടിലേക്ക് രാവിലെ എത്തും.

മയ്യത്ത് നിസ്കാരം ജുമുഅയുടെ മുമ്പായി  മടവൂർ മുക്ക് - കുന്നത്ത് ജുമാ മസ്ജിദിൽ നടക്കുമെന്ന് ബന്ധുക്കൾ അറിയിച്ചു.