പ്രണയ അഭ്യര്‍ത്ഥന നിരസിച്ചതിന് പ്രായപൂര്‍ത്തിയാകാത്ത പെണ്‍കുട്ടിയെ വീട്ടിൽ കയറി പീഡിപ്പിച്ച ആൾ അറസ്റ്റിൽ
മലപ്പുറം:
മലപ്പുറത്ത് പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച മുപ്പത്തിയഞ്ചുകാരന്‍ പിടിയില്‍. പ്രണയ അഭ്യര്‍ത്ഥന നിരസിച്ചതിന് പ്രായപൂര്‍ത്തിയാകാത്ത പെണ്‍കുട്ടിയെ വീട്ടില്‍ കയറി പീഡിപ്പിക്കുകയായിരുന്നു 35കാരനായ പ്രതി. മലപ്പുറം അരീക്കോട് പൊലീസ് സ്റ്റേഷന്‍ പരിധിയിലാണ് സംഭവം. മലപ്പുറം കാവനൂര്‍ സ്വദേശിയായ സാദിഖ് (35) നെയാണ് കൊണ്ടോട്ടി ഡി.വൈ.എസ്പി കെ അഷ്‌റഫിന്റെ നേതൃത്വത്തിലുള്ള പൊലീസ് ഉദ്യോഗസ്ഥര്‍ അറസ്റ്റ് ചെയ്തത്.
പ്രതി പെണ്‍കുട്ടിയോട് പ്രണയമാണ് എന്ന് പറഞ്ഞ് പിന്നില്‍ നടന്ന് നിരന്തരം ശല്യപ്പെടുത്തിരുന്നു. യുവാവിന്റെ പ്രണയ അഭ്യര്‍ത്ഥന നിരവധി തവണ പെണ്‍കുട്ടി നിരസിക്കുകയും ചെയ്തു. തുടര്‍ന്നാണ് പ്രതി പെണ്‍കുട്ടിയുടെ വീട്ടില്‍ ആളില്ലാത്ത സമയം എത്തി പീഡനത്തിന് ഇരയാക്കിയത്. പെണ്‍കുട്ടി അരീക്കോട് പൊലീസില്‍ പരാതി നല്‍കി.ഈ പരാതിയുടെ അടിസ്ഥാനത്തില്‍ അരീക്കോട് പൊലീസ് കേസ് എടുത്ത് അന്വേഷണം ആരംഭിച്ചു. ഇതിനിടയിലാണ് പ്രതി ബുധനാഴ്ച പൊലീസ് പിടിയിലായത്. പിടിയിലായ പ്രതിക്കെതിരെ പോക്സോ, എസ്.ഇ,എസ്.ടി ആക്ട് പ്രകാരം കേസ് രജിസ്റ്റര്‍ ചെയ്തു. മഞ്ചേരി കോടതിയില്‍ ഹാജരാക്കിയ പ്രതിയെ വ്യാഴാഴ്ച റിമാന്‍ഡ് ചെയ്തു
