അഞ്ചര കിലോയിലേറെ കഞ്ചാവുമായി കതിരോട് സ്വദേശി അറസ്റ്റിൽ

 താമരശ്ശേരി:

താമരശ്ശേരിയിൽ അഞ്ചര കിലോയിലേറെ കഞ്ചാവുമായി ഒരാളെ പോലീസ് അറസ്റ്റ് ചെയ്തു. പരപ്പൻപൊയിൽ കതിരോട് പൂളക്കര ജയന്തിനെയാണ് താമരശ്ശേരി പോലീസ് പിടികൂടിയത്. താമരശ്ശേരി ചെക്ക് പോസ്റ്റിന് സമീപം വെച്ച് സന്ധ്യയോടെയാണ് ഇയാൾ പിടിയിലാകുന്നത്. 5 കിലോ 650 ഗ്രാം കഞ്ചാവാണ് ഇയാളിൽ നിന്നും കണ്ടെടുത്തത്. താമരശ്ശേരി  ഡി.വൈ.എസ്.പിയുടെ ക്രൈംസ്ക്വാഡ് അംഗങ്ങളും താമരശ്ശേരി പോലീസും ചേർന്നാണ് കഞ്ചാവ് വേട്ട  നടത്തിയത്. എസ്.ഐമാരായ വി.കെ. സുരേഷ്, രാജീവ് ബാബു, സനൂജ്, മുരളീധരൻ, അഭിലാഷ്, എ.എസ്.ഐ ജയപ്രകാശ്, സി.പി.ഒ മാരായ ശോഭിത്, റഫീഖ് എന്നിവരടങ്ങിയ സംഘമാണ് കഞ്ചാവ് പിടികൂടിയത്.