താമരശ്ശേരി ചുരത്തിൽ അജ്ഞാത മൃതദേഹം
താമരശ്ശേരി:
താമരശ്ശേരി ചുരത്തില്‍ അജ്ഞാത മൃതദേഹം. ഒമ്പതാം വളവിൽ തകരപ്പാടിക്ക് സമീപം മുപ്പതടിയോളം താഴ്ചയിൽ വനപ്രദേശത്താണ് പുരുഷന്റെ മൃതദേഹം കണ്ടെത്തിയത്. നീല ജീന്‍സ് പാന്റും ക്രീം കളര്‍ ഷര്‍ട്ടുമാണ് വേഷം. പോലീസ് സ്ഥലത്തെത്തി പരിശോധന നടത്തി. ഇന്ന് വൈകിട്ട് ആറുമണിയോടെയാണ് മൃതദേഹം കണ്ടെത്തിയത്. സമീപത്ത് ബാഗും കണ്ടെത്തിയിട്ടുണ്ട്. മൃതദേഹത്തിന് ഒരു ദിവസത്തെ പഴക്കമുണ്ടെന്നാണ് സൂചന.ഇൻക്വസ്റ്റ് നടപടികൾക്ക്‌ ശേഷം മൃതദേഹം മെഡിക്കൽ കോളേജ് ആശുപത്രിയിലേക്ക് മാറ്റി
