ലോക വന-ജല ദിനങ്ങൾ ആചരിച്ചു

 

പുതുപ്പാടി:

ലോക വന-ജല ദിനങ്ങൾ ഒയിസ്ക പുതുപ്പാടി ചാപ്റ്ററും എം.ഇ.എസ്. സ്കൂൾ ലവ് ഗ്രീൻ ക്ലബ് കൈതപ്പൊയിലും സംയുക്തവുമായി ആചരിച്ചു. എം.ഇ.എസ്‌ സ്കൂളിൽ നടന്ന ചടങ്ങ് താമരശേരി ഫോറസ്റ്റ് റേഞ്ച് ഓഫീസർ എം.കെ. രാജീവ് കുമാർ ഉദ്ഘാടനം നിർവഹിച്ചു. ജലത്തിന്റെയും വനത്തിന്റെയും ആവശ്യകതയെ കുറിച്ചും അവയില്ലെങ്കിൽ ലോകത്തിന്റെ നിലനിൽപ്പ് തന്നെ ഇല്ലാതാകുമെന്നും കുട്ടികൾ തന്നാലാവുന്ന വിധം പ്രകൃതിയെ സംരക്ഷിക്കണമെന്നും അദ്ദേഹം പറഞ്ഞു. തുടർന്ന് കുട്ടികളുടെ ഫ്ലാഷ്മോബ് ,ഡിസ്പ്ലേ എന്നിവ നടത്തി. ഒയിസ്ക പുതുപ്പാടി ചാപ്റ്റർ പ്രസിഡന്റ് കെ.എം.ഡി. മുഹമ്മദ് അധ്യക്ഷത വഹിചു .ചാപ്റ്റർ സെക്രട്ടറി ഷാജി.എൻ.ആർ,, പ്രിൻസിപ്പൽ സുനിൽ, ദീപ,റിയാസ് നൂറാം തോട് എന്നിവര് സംസാരിച്ചു.