സംസ്ഥാന അട്യാപാട്യാ ചാമ്പ്യൻഷിപ്പ്; കോഴിക്കോടും പാലക്കാടും ജേതാക്കൾ

 

കോഴിക്കോട്:

 വി.കെ കൃഷ്ണ മേനോൻ ഇന്റോർസ്‌റ്റേഡിയത്തിൽ  നടന്ന സംസ്ഥാന സീനിയർ, ജൂനിയർ ആര്യാപാട്യ ചാമ്പ്യൻഷിപ്പുകളിൽ സീനിയർ ആൺകുട്ടികളുടെ വിഭാഗത്തിൽ പാലക്കാടും പെൺകുട്ടികളുടെ വിഭാഗത്തിൽ കോഴിക്കോടും ജേതാക്കളായി. കോഴിക്കോടും തൃശൂരും യഥാക്രമം രണ്ടാം സ്ഥാനം നേടി. ജൂനിയർ ആൺകുട്ടികളുടെയും പെൺകുട്ടികളുടെയും വിഭാഗങ്ങളിൽ കോഴിക്കോട് ഇരട്ട ജേതാക്കളായി. പാലക്കാടും തൃശൂരും യഥാക്രമം രണ്ടാം സ്ഥാനം നേടി.

സമാപന ചടങ്ങിൽ അട്യാപാട്യ സംസ്ഥാന പ്രസിഡന്റും സംസ്ഥാന സ്പോർട്സ് കൗൺസിൽ അംഗവുമായ ടി.എം.  അബ്ദുറഹിമാൻ വിജയികൾക്ക് ട്രോഫികൾ വിതരണം ചെയ്തു. ജോസ് ജോസഫ് അധ്യക്ഷത വഹിച്ചു. സുഭാഷ് ജോസഫ് , വി.പി സന്ദേഷ്, കെ.വി. അബ്ദുൽ മജീദ്, പി.കെ കബീർ, പി. സിനി തോമസ്, കെ. ശ്രിജിലേഷ് , എ.സിന്ധു എന്നിവർ സംസാരിച്ചു.