കാലിക്കറ്റ് പ്രസ്ക്ലബ് സുവർണജൂബിലി ഉദ്ഘാടനം ഏപ്രിൽ രണ്ടിന്

 

കോഴിക്കോട്: 

കാലിക്കറ്റ് പ്രസ്‌ ക്ലബ്ബ്‌ സുവർണ്ണജൂബിലി ആഘോഷങ്ങളുടെ ഔദ്യോഗിക ഉദ്ഘാടനം ഏപ്രിൽ രണ്ടിന് ശനിയാഴ്ച മുഖ്യമന്ത്രി പിണറായി വിജയൻ നിർവഹിക്കും.

കോഴിക്കോട് എരഞ്ഞിപ്പാലം ആശീർവാദ് ലോൺസിൽ ഉച്ചക്ക് 11.30നാണ് പരിപാടി.
ദേശീയതലത്തിൽവരെ ശ്രദ്ധ നേടി ചരിത്രത്തിലിടം നേടിയ  പ്രസ്ക്ലബ് അമ്പതുവർഷം പിന്നിടുന്നതിന്റെ ആഘോഷമാണിത്. മാധ്യമകൂട്ടായ്മയുടെ കേന്ദ്രം എന്ന നിലയിൽ ഒരു വർഷം നീളുന്ന വിപുലമായ ജൂബിലി പരിപാടികളാണു  തയാറാക്കിയത്‌. മന്ത്രിമാർ, എം.പിമാർ, എം.എൽ.എമാർ, മുതിർന്ന മാധ്യമ പ്രവർത്തകർ, പൗരപ്രമുഖർ, യൂണിയൻ നേതാക്കൾ തുടങ്ങിയവർ പരിപാടിയിൽ പങ്കെടുക്കും.