എൽ.എസ്.എസ് - യു.എസ്.എസ്.,ഇൻസ്പെയർ അവാർഡ് ജേതാക്കളെ അനുമോദിച്ചു

 കൊടുവള്ളി: 

കൊടുവള്ളി ഗവ. ഹയർ സെക്കൻഡറി സ്കൂൾ എസ്.പി.സി.യൂണിറ്റിൻ്റെ നേതൃത്വത്തിൽ എൽ.എസ്.എസ് - യു.എസ്.എസ്. സ്കോളർഷിപ്പ് നേടിയവർ, ഇൻസ്പെയർ അവാർഡ് ജേതാക്കൾ, ജില്ലാ ചെസ് ടൂർണമെൻ്റിൽ മൂന്നാം സ്ഥാനം നേടിയ എസ്.പി.സി. കാഡറ്റ് ആർ.വി.അമീനുൽ ഹഖ് എന്നിവരെ അനുമോദിക്കുകയും ഈ വർഷം സർവീസിൽ നിന്ന് വിരമിക്കുന്ന അധ്യാപകരായ സി.കെ.യൂസഫ്, പി.സൗമിനി, വി.നിർമ്മല എന്നിവരെ ആദരിക്കുകയും ചെയ്തു. പി.ടി.എ.പ്രസിഡൻറ്  മുഹമ്മദ് കണ്ടുങ്ങര ഉദ്ഘാടനം ചെയ്തു.പ്രിൻസിപ്പൽ എം.പി. മുഹമ്മദ് അബ്ദുൽ മജീദ് അധ്യക്ഷനായി. പ്രധാനാധ്യാപിക പി.ഗീത, സി.പി.ഒ.കെ.മുഹമ്മദ്, ആർ.വി.അബ്ദുറഷീദ്, ടി.ദീപ്തി, പി.ജയരാജൻ, ഇഖ്ബാൽ, പി. രമേശൻ, കെ.ജെ. സെബാസ്റ്റ്യൻ, എ.സി.പി.ഒ.വി.സുബൈദ എന്നിവർ സംസാരിച്ചു.