വാവാട് ഭഗവതി ക്ഷേത്ര പ്രതിഷ്ഠാദിന ഉത്സവം സമാപിച്ചു

 കൊടുവള്ളി: 

ഏഴു ദിവസങ്ങളിലായി നടന്ന വാവാട് തെയ്യത്തിൻകാവ് ഭഗവതി ക്ഷേത്ര പ്രതിഷ്ഠാദിന ഉത്സവം സമാപിച്ചു .ഞായറാഴ്ച രാവിലെ കുസുമകുമാരി ചെറൂപ്പ ആധ്യാത്മിക പ്രഭാഷണം നടത്തി. വൈകിട്ട് നമ്പീശൻ പാറയിൽനിന്ന്  ക്ഷേത്രത്തിലേക്കു നടന്ന താലപ്പൊലി എഴുന്നള്ളത്ത് ഭക്തിസാന്ദ്രമായി. തുടർന്ന് പോലൂർ ചന്ദ്രമാരാരും സംഘവും തായമ്പക അവതരിപിച്ചു. രാത്രി ക്ഷേത്രം തന്ത്രി ശ്രീകുമാരൻ നമ്പൂതിരിപ്പാടിന്റെ നേതൃത്വത്തിൽ  നടന്ന ഗുരുതി തർപ്പണത്തോടെ പ്രതിഷ്ഠാദിന ഉത്സവം സമാപിച്ചു.