വാവാട് ഭഗവതിക്ഷേത്ര ഉത്സവം: താലപ്പൊലി എഴുന്നളളത്ത് നാളെ

 

കൊടുവള്ളി: 

ഒരാഴ്ച നീണ്ടുനിന്ന വാവാട് ഭഗവതി ക്ഷേത്ര പ്രതിഷ്ഠാദിന ഉത്സവം ഞായറാഴ്ച സമാപിക്കും. രാവിലെ 11.30 ന് കുസുമകുമാരി ചെറൂപ്പ ആധ്യാത്മിക പ്രഭാഷണം നടത്തും. ഉച്ചയ്ക്ക് 1.30 ന് പ്രസാദ ഊട്ട് ഉണ്ടാകും. ഉത്സവത്തോടനുബന്ധിച്ച്‌ നമ്പീശൻപാറയിൽ നിന്ന് ക്ഷേത്രത്തിലേക്കുള്ള താലപ്പൊലി എഴുന്നള്ളത്ത് വൈകീട്ട് ആറിന് ആരംഭിക്കും. രാത്രി 7.30 ന് പോലൂർ ചന്ദ്ര മാരാരും സംഘവും അവതരിപ്പിക്കുന്ന തായമ്പകയും ഒൻപതിന് ഗുരുതി തർപ്പണവും നടക്കും. തുടർന്ന് 9.30 ന് നടക്കുന്ന പ്രസാദ വിതരണത്തോടെ ഉത്സവ പരിപാടികൾ സമാപിക്കും.