എകസിവിൽകോഡ്: സി.പി.എം സെമിനാറിൽ ലീഗ് പങ്കെടുക്കില്ല

മലപ്പുറം: 

എകസിവിൽ കോഡുമായി ബന്ധപ്പെട്ട് സിപിഎം കോഴിക്കോട് നടത്തുന്ന സെമിനാറിലെ ക്ഷണം നിരസിച്ച് മുസ്ലീം ലീഗ്. പാണക്കാട് ചേർന്ന ലീഗിന്‍റെ യോഗത്തിലാണ് തീരുമാനം. സെമിനാറുകൾ ഭിന്നിപ്പിക്കാനാവരുതെന്ന് മുസ്ലീം ലീഗ് സംസ്ഥാന അധ്യക്ഷൻ സാദിഖലി തങ്ങൾ പറഞ്ഞു.

യുഡിഎഫിന്‍റെ പ്രധാന ഘടകകക്ഷിയാണ് മുസ്ലിംലീ​ഗ്. അതുകൊണ്ടുതന്നെ മുസ്ലിംലീ​ഗിന് എല്ലാവരുമായും കൂടിച്ചേർന്ന് മാത്രമേ തീരുമാനമെടുക്കാൻ കഴിയൂവെന്നും സാദിഖലി തങ്ങൾ.
സമസ്തയും, കാന്തപുരം വിഭാഗവും പങ്കെടുക്കുന്ന സെമിനാറിൽ   ലീഗിനെയും സി.പി.എം ക്ഷണിച്ചിരുന്നു. ഒരു വിഭാഗം ലീഗ് നേതാക്കൾക്ക് സെമിനാറിൽ പങ്കെടുക്കാമെന്ന നിലപാടുണ്ടായിരുന്നു. തുടർന്നാണ് ലീഗ് യോഗം ചേർന്ന് നിലപാടെടുത്തത്.