സ്കൂട്ടർ യാത്രക്കാരിയുടെ മുഖത്ത് മുളക് പൊടിയെറിഞ്ഞ് കവർച്ച: പ്രതികൾക്കായി സജീവ അന്വേഷണം
കുന്ദമംഗലം:
മടവൂരിൽ ജോലി കഴിഞ്ഞ് സ്കൂട്ടറിൽ വീട്ടിലേക്ക് മടങ്ങുന്ന സ്ത്രീയുടെ മുഖത്തേക്ക് മുളക് പൊടിയെറിഞ്ഞ് കവർച്ച നടത്തിയ സംഭവത്തിൽ അന്വേഷണം സജീവമാക്കി കുന്ദമംഗലം പോലീസ്. ബുധനാഴ്ച്ച വൈകിട്ട് അറ് മണിക്ക് ആണ് സംഭവം നടക്കുന്നത്.
മുട്ടാഞ്ചേരി സ്വദേശിനിക്കു നേരെയാണ് മുളക് പൊടി അക്രമം നടക്കുന്നത്. പ്രാദേശിക കമ്പനിയിൽ ജോലി ചെയ്ത് സ്ക്കൂട്ടറിൽ വീട്ടിലേക്ക് മടങ്ങിയ ഇവരെ പോക്കറ്റ് റോഡിൽ ഹെൽമറ്റ് ധാരികളായ രണ്ട് പേർ സ്ക്കൂട്ടർ തടഞ്ഞ് നിർത്തി മുഖത്തേക്ക് മുളക് പൊടിയെറിഞ്ഞ് കഴുത്തിൽ അണിഞ്ഞിരുന്ന സ്വർണ്ണ മാല തട്ടി പറിക്കുവാൻ ശ്രമിച്ചു. യുവതി മുഴുവൻ ബലവും പ്രയോഗിച്ച് മാലയിൽ നിന്നും കൈ വിടാതെ അക്രമക്കാരികളെ ചെറുത്തു നിന്നതിനാൽ സ്വർണ്ണ മാല കവർച്ച ചെയ്യാൻ സാധിച്ചില്ല.ചെറുത്തു നിന്നതിനാല്‍ സ്വര്‍ണ്ണ മാല കവര്‍ച്ച ചെയ്യാന്‍ സാധിച്ചില്ല. യുവതിയെ തളളിയിട്ട് സ്കൂട്ടർ ഡിക്കിയില്‍നിന്നും പതിനായിരം രൂപ എടുത്ത് മോഷ്ടാക്കള്‍ കടന്നുകളയുകയായിരുന്നുവെന്നാണ് പരാതി.
