യൂത്ത് കോൺഗ്രസ് ഐക്യ സദസ് സംഘടിപ്പിച്ചു

 

താമരശ്ശേരി:
വർഗീയതക്കെതിരെ യൂത്ത് കോൺഗ്രസ് നടത്തുന്ന  ഇന്ത്യ യുനൈറ്റഡ്  ക്യാമ്പയിന്റെ ഭാഗമായി കൊടുവള്ളി അസംബ്ലി കമ്മിറ്റിയുടെ ആഭിമുഖ്യത്തിൽ നടന്ന ഐക്യ സദസ് കെപിസിസി ജനറൽ സെക്രട്ടറി ആര്യാടൻ ഷൗക്കത്ത് ഉദ്ഘാടനം ചെയ്തു. മത നിരപേക്ഷ ഇന്ത്യയെ കാത്തിടാൻ ഇന്ന് നമുക്കായില്ലെങ്കിൽ , നാളെ വരും തലമുറ ഇരുട്ടിലാവാൻ കാരണക്കാർ നമ്മളാവുമെന്ന് ആര്യാടൻ ഷൗക്കത്ത് പറഞ്ഞു.
ചടങ്ങിൽ അസംബ്ലി പ്രസിഡണ്ട് എൻ.കെ. ഷമീർ അധ്യക്ഷതവഹിച്ചു. ഡിസിസി ജനറൽ സെക്രട്ടറി ഹബീബ് തമ്പി, സേവാദൾ ബ്രിഗേഡ് പ്രസിഡണ്ട് സിജി കൊട്ടാരത്തിൽ, താമരശ്ശേരി ബ്ലോക്ക് പ്രസിഡണ്ട് ഹംസ ഹാജി, മുജീബ് പുറായിൽ, നവാസ് ഈർപ്പോണ, ജവഹർ പൂമംഗലം, സരസ്വതി, ഫസൽ കാരാട്ട് , ആസിഫ് നരിക്കുനി, എം.പി.സി. ജംഷീദ് , ഫാറൂഖ് പുത്തലത്ത്, കബീർ വി.കെ. തുടങ്ങിയവർ സംസാരിച്ചു.