ചങ്ക് കൗമാര പരിശീലന പരിപാടിക്ക് കട്ടിപ്പാറ ഹോളിഫാമിലി ഹൈസ്കൂളിൽ തുടക്കം

 

കട്ടിപ്പാറ: 

ജില്ലാ പഞ്ചായത്തിന്റെ കൗമാര ശാക്തീകരണ പരിപാടി ചങ്കിന് കട്ടിപ്പാറ ഹോളിഫാമിലി ഹൈസ്കൂളിൽ തുടക്കമായി. പരിശീലന പരിപാടിയുടെ ഉദ്ഘാടനം ജില്ലാ പഞ്ചായത്ത് അംഗം റംസീന നരിക്കുനി നിർവഹിച്ചു. പ്രിൻസിപ്പാൾ ഹാരിസ് കുരുവിള അധ്യക്ഷനായിരുന്നു. എഡ്യുകെയർ പദ്ധതിയുടെ ഭാഗമായി ജില്ലയിലെ മുഴുവൻ സ്കൂളുകളിലും സംഘടിപ്പിച്ച് വരുന്ന കൗമാര ശാക്തീകരണ പദ്ധതിയായ ചങ്ക് കൗമാരക്കാരുടെ മാനസിക വൈകാരികപ്രശ്നങ്ങൾ പരിഹരിക്കാനും സുരക്ഷിത കൗമാരം ഉറപ്പാക്കാനുമാണ്   ലക്ഷ്യമിടുന്നത്. ഓരോ ക്ലാസിൽ നിന്നും തെരഞ്ഞെടുത്ത ചങ്ക് ബ്രിഗേഡ്സിനുള്ള പരിശീലനമാണ് തുടങ്ങിയത്. പരിശീലനം നേടിയ ബ്രിഗേഡ്സ് സ്കൂളിലെ മുഴുവൻ കുട്ടികൾക്കും മെന്റർമാരുടേയും കൗൺസിലറുടേയും സഹായത്തോടെ ക്ലാസുകൾ നൽകും . പരിശീലനത്തിന്റെ ആദ്യഘട്ടമെന്ന നിലയിൽ പഠന നൈപുണികളും പ്രവർത്തന പദ്ധതികളും എന്ന വിഷയത്തിൽ ട്രെയിനർ മുഹമ്മദ് ഫൈസൽ ക്ലാസെടുത്തു.  സീനിയർ അസിസ്റ്റന്റ് ജിസി ജോസ്, നൗഷാദ്. വി.കെ , നിഷിത കുമാരി. എ.എൻ. സ്കൂൾ എഡ്യുകെയർ കോ ഓഡിനേറ്റർ പ്രസീത. സി എന്നിവർ പ്രസംഗിച്ചു.