ക്ലാസിക്കൽ ഡാൻസിൽ ഒന്നാമതെത്തി തീർത്ഥ

 

താമരശ്ശേരി: 

നൃത്ത വിസ്മയം തീർത്ത എസ്. തീർത്ഥ ഓജസ് ക്ലാസിക്കൽ ഡാൻസ് ഫെസ്റ്റിവലിൽ ഒന്നാം സ്ഥാനം സ്വന്തമാക്കി. ബംഗളൂരു മല്ലേശ്വരം ശിവസദൻ ഓഡിറ്റോറിയത്തിൽ നടന്ന ഓജസ് ക്ലാസിക്കൽ ഡാൻസ് ഫെസ്റ്റിവലിൻ്റെ നാലാമത് എഡിഷനിൽ കുച്ചുപ്പുടി ജൂനിയർ വിഭാഗത്തിലാണ് തീർത്ഥ വിജയിച്ചത്. താമരശ്ശേരി ജി.വി.എച്ച്.എസിലെ എട്ടാം ക്ലാസ് വിദ്യാർത്ഥിനിയാണ് തീർത്ഥ. താമരശ്ശേരി വെഴുപ്പൂർ ശങ്കരമ്പാത്ത് വിജേഷിൻ്റെ ഷബ്നയുടെയുടെയും മകളാണ്. രണ്ടാം ക്ലാസിൽ പഠിക്കുന്ന കാലം മുതൽ ന്യത്തം അഭ്യസിക്കുന്ന തീർത്ഥയുടെ നൃത്തഗുരു ഡോ. സജീഷ് എസ്. നായർ താമരശ്ശേരിയാണ്. 

ചിത്രം വരയിലും കഴിവ് തെളിയിച്ചിട്ടുണ്ട് ഈ കലാകാരി. ഇതിനകം നിരവധി ജില്ലാ ,സംസ്ഥാന തല ചിത്രരചനാ മത്സരങ്ങളിലും കയ്യഴുത്ത് മത്സരങ്ങളിലും വിജയിച്ചിട്ടുണ്ട്.

തീർത്ഥ നൃത്ത ഗുരു ഡോ. സജീഷ് എസ്. നായർ താമരശ്ശേരിക്കൊപ്പം