ബാണാസുരസാഗര്‍ അണക്കെട്ടില്‍ കാണാതായ കൊടുവള്ളി സ്വദേശിയുടെ മൃതദേഹം കണ്ടെത്തി
കൊടുവള്ളി:
സുഹൃത്തുക്കള്‍ക്കൊപ്പം കുളിക്കുന്നതിനിടെ വയനാട് ബാണാസുരസാഗര്‍ അണക്കെട്ടിലെ റിസര്‍വോയറില്‍ കാണാതായ കൊടുവള്ളി സ്വദേശിയായ യുവാവിന്റെ മൃതദേഹം കണ്ടെത്തി.
കൊടുവള്ളി പറമ്പത്ത്കാവ് വി പി. അബൂബക്കറിന്റെ മകന്‍ റാഷിദാ(28)ണ് മരിച്ചത്. റിസര്‍വോയറിലെ കുറ്റിയാംവയല്‍ ഭാഗത്താണ് സംഭവം.
ഒപ്പമുണ്ടായിരുന്നവര്‍ വിവരമറിയിച്ചതിനെ തുടര്‍ന്ന് ഫയര്‍ ഫോഴ്‌സും നാട്ടുകാരും ചേര്‍ന്ന് നടത്തിയ തിരച്ചിലിനൊടുവിലാണ് മൃതദേഹം കണ്ടെത്തിയത്. സുഹൃത്തുക്കള്‍ക്കൊപ്പം ഇന്നലെ വയനാട്ടിലെ വിനോദസഞ്ചാര കേന്ദ്രത്തിലെത്തിയതായിരുന്നുവെന്നാണ് വിവരം.
