കൊയിലാണ്ടിയിൽ സ്വകാര്യ ബസ് ഇടിച്ച് ഗുരുതരമായി പരിക്കേറ്റ യുവാവ് മരിച്ചു

 

കൊയിലാണ്ടി: 

ദേശീയ പാതയിൽ ബസ് ഇടിച്ച് ഗുരുതരമായി പരിക്കേറ്റ യുവാവ് മരണപ്പെട്ടു.. കൊയിലാണ്ടി കൊല്ലം കുന്യോറ മലയിൽ ശിവദാസന്റെ മകൻ കെ.കെ. ശരത് (35) ആണ് മരിച്ചത്. കോഴിക്കോട് അഗ്രികൾച്ചറൽ ഡിപ്പാർട്ട്മെന്റ് ജീവനക്കാരനാണ്. തിങ്കളാഴ്ച രാത്രി 8 മണിയോടെ കൊയിലാണ്ടി കൃഷ്ണ തിയ്യറ്ററിനു സമീപം റോഡ് മുറിച്ച് കടക്കവെ അതിവേഗത്തിലെത്തിയ സ്വകാര്യ ബസ്സിടിക്കുകയായിരുന്നു. താലൂക്ക് ആശുപത്രിയിൽ എത്തിച്ച ശേഷം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. അമ്മ: രമണി. ഭാര്യ: ആദിത്യ. ഒന്നര വയസുള്ള മകനുണ്ട്. സഹോദരി: രശ്മി.