റഷ്യന്‍ സ്‌പേസ് ഏജന്‍സി റോക്കറ്റില്‍ നിന്നും വിവിധ രാജ്യങ്ങളുടെ പതാകകള്‍ നീക്കം ചെയ്തു
മോസ്‌കോ:
റഷ്യന്‍ സ്‌പേസ് ഏജന്‍സി അവരുടെ റോക്കറ്റില്‍ നിന്നും വിവിധ രാജ്യങ്ങളുടെ പതാകകള്‍ നീക്കം ചെയ്തു. യുഎസ്എ, യുകെ, ജപ്പാന്‍, ദക്ഷിണ കൊറിയ എന്നീ രാജ്യങ്ങളുടെ പതാകകളാണ് നീക്കം ചെയ്തത്. റഷ്യന്‍ സ്‌പേസ് ഏജന്‍സിയായ റോസ്‌കോസ്‌മോസ് മേധാവി ദിമിത്രി റോഗോസിന്‍ ആണ് ഇതിന്റെ വീഡിയോ ട്വിറ്ററില്‍ പങ്കുവച്ചത്.
അതേസമയം റോക്കറ്റില്‍ ഇന്ത്യന്‍ പതാക നിലനിര്‍ത്തുകയും ചെയ്തു. സോയൂസ് റോക്കറ്റില്‍ നിന്നാണ് രാജ്യങ്ങളുടെ പതാക നീക്കം ചെയ്തത്. റഷ്യയ്ക്ക് മുന്നില്‍ ഉപരോധം ഏര്‍പ്പെടുത്തുകയും അവര്‍ക്കെതിരായ പ്രമേയം യുഎന്‍ പൊതുസഭയില്‍ അടക്കം പിന്താങ്ങുകയും ചെയ്ത രാജ്യങ്ങളുടെ പതാകയാണ് റോക്കറ്റില്‍ നിന്നും റഷ്യ മാറ്റിയത്.
