'അരങ്ങൊഴിയാതെ' ഹ്രസ്വചിത്രം ശ്രദ്ധേയമാകുന്നു
കൊടുവള്ളി:
നാടകരചയിതാവ് എ. ശാന്തകുമാറിന്റെ സ്മരണാര്‍ത്ഥം നാടക ദിനത്തോടനുബന്ധിച്ചു പുറത്തിറക്കിയ ഹ്രസ്വചിത്രം 'അരങ്ങൊഴിയാതെ' ശ്രദ്ധേയമാകുന്നു. ശാന്തകുമാറിന്റെ 'ദാഹം' നടകത്തിലൂടെ സഞ്ചരിച്ചുകൊണ്ട് നാടക പ്രവര്‍ത്തകരുടെ കഴിഞ്ഞകാലത്തെ പൊള്ളുന്ന സമര ജീവിതങ്ങളിലേക്കൊരു തിരിഞ്ഞുനോട്ടം കൂടിയാണ് ഈ ഈ ഹ്രസ്വചിത്രം. കെ.പി.എ.സിയുടെ വിപ്ലവകരമായ മുന്നേറ്റങ്ങളെ മനോഹരമായ ഭാഷയില്‍ അവതരിപ്പിച്ചിരിക്കുന്നു. യു ട്യൂബില്‍ റിലീസ് ചെയ്ത ചിത്രം ചുരുങ്ങിയ ദിവസങ്ങള്‍കൊണ്ട് 4000-ത്തോളം പേര്‍ കണ്ടുകഴിഞ്ഞു. മാനിപുരം സാരംഗി കലാസംസ്‌കാരിക വേദിയുടെ യൂട്യൂബ് ചാനല്‍ പന്തം ക്രിയേഷന്‍സിനുവേണ്ടി പുറത്തിറക്കിയ ചിത്രത്തിന്റെ രചനയും സംവിധാനവും നിര്‍വഹിച്ചത് ശ്രീനന്ദനനാണ്. ഷാഫികോറോത്ത്, സുരാജ് എന്നിവര്‍ ക്യാമറയും എ. ശാന്തകുമാറിന്റെ വരികള്‍ക്ക് പ്രശാന്ത് സാരംഗി സംഗീതവും നല്‍കി. മാനിപുരത്തെ കലാകാരന്മാരാണ് കഥാപാത്രങ്ങളായി രംഗത്തു വരുന്നത്.
ചിത്രം കാണാനുള്ള യൂട്യൂബ് ലിങ്ക്:
