പുസ്തക പരിചയ സദസ് സംഘടിപ്പിച്ചു
തേറ്റാമ്പുറം ഗ്രാമീണ വായനശാല നോവലിസ്റ്റും മാധ്യമ പ്രവർത്തകനും മധുരൈ കലാശലിംഗം യൂണിവേഴ്സിറ്റിയിൽ വിഷ്യൽ കമ്മ്യുണിക്കേഷൻ വിഭാഗം അസിസ്റ്റന്റ് പ്രോഫസറുമായ അമൽജിത്ത് രവീന്ദ്രൻ്റെ പാണൻ കവലയിലെ മനുഷ്യർ എന്ന പുസ്തകത്തെ പറ്റി ചർച്ച സംഘടിപ്പിച്ചു. ബാല്യം, കൗമാരം, യൗവനം, വാർദ്ധക്യം എന്നിവ പുനർജനിച്ചു കൊണ്ടിരിക്കുന്ന കാലത്തെപ്പറ്റി അയവിറക്കുന്നതായിരുന്നു സദസ്സിലെ ചർച്ച. ചടങ്ങ് താമരശ്ശേരി ഗ്രാമ പഞ്ചായത്ത് അംഗം ഖദീജ സത്താർ ഉദ്ഘാടനം ചെയ്തു.
വായനശാല പ്രസിഡണ്ട് വി.കെ. ഷൈജു അധ്യക്ഷത വഹിച്ചു. താലൂക്ക് ലൈബ്രറി കൗൺസിൽ വൈസ്പ്രസിഡണ്ട് നാരായണൻ അവിടനല്ലൂർ മുഖ്യപ്രഭാഷണം നടത്തി. ഗ്രന്ഥകാരൻ അമൽജിത്ത് രവീന്ദ്രൻ,പി.പി.കൃഷ്ണൻകുട്ടി,സത്താർ പള്ളിപ്പുറം, ഷീജ മധു എന്നിവർ ചർച്ചയിൽ പങ്കെടുത്തു. വി.പി. ബിജു സ്വാഗതവും, വി.പി. ഗോപലൻകുട്ടി നന്ദിയും പറഞ്ഞു.
