മരയ്ക്കാർ ഡിസംബർ രണ്ടിന് തീയേറ്ററുകളിൽ റിലീസ് ചെയ്യും
തിരുവനന്തപുരം:
മോഹൻലാൽ നായകനാകുന്ന
മരയ്ക്കാർ അറബ്ബിക്കടലിന്‍റെ സിംഹം തീയേറ്ററുകളിൽ തന്നെ റിലീസ് ചെയ്യാൻ വഴിയൊരുങ്ങുന്നു. ചിത്രം ഡിസംബർ 2 ന് പ്രദർശനത്തിന് എത്തുമെന്ന് സിനിമ സാംസ്കാരിക മന്ത്രി സജി ചെറിയാൻ. സർക്കാർ മൂൻകൈയെടുത്ത് നടത്തിയ ചർച്ചയിലാണ് തീരുമാനം.
മോഹൻലാൽ സർക്കാരുമായി സഹകരിച്ചുവെന്നും മന്ത്രി സജി ചെറിയാൻ. ഒരു ഡോസ് വാക്സിൻ എടുത്തവർക്കും തിയറ്ററിൽ പ്രവേശിപ്പിക്കാമെന്നും മന്ത്രി.
ഒടിടി കരാറിൽ ഭേദഗതി വരുത്തിയാണ് ചിത്രം തീയെറ്ററുകളിൽ എത്തിക്കുന്നത്. മുൻപ് ഒടിടി റിലീസ് മാത്രമാ‍യി റിലീസ് ചെയ്യാനായിരുന്നു നിർമ്മാതാവിന്‍റെ തീരുമാനം. ചെന്നൈയിൽ നടത്തിയ പ്രിവ്യു ഷോയ്ക്ക് ശേഷം പ്രിയദർശനും മോഹൻലാലും പടം തീയറ്ററുകളിൽ നൽകുന്നതല്ലേ നല്ലതെന്ന് നിർമ്മാതാവിനോട് ചോദിക്കുകയും പ്രിയദർശന്‍റെ നേതൃത്വത്തിൽ ആമസോണുമായി ചർച്ച നടത്തി കരാറിൽ മാറ്റം വരുത്തുകയും ആ‍യിരുന്നു. ഇരുനൂറോളം തീയറ്ററുകൾ നേരത്തെ തന്നെ ചിത്രം പ്രദർശിപ്പിക്കാൻ തയാറായിരുന്നു.
