ഏഴ് വയസുകാരൻ കുളത്തിൽ മുങ്ങിമരിച്ചു
കോഴിക്കോട്;
ഉള്ള്യേരി ആനവാതിലില് ഏഴ് വയസ് കാരൻ കുളത്തിൽ മുങ്ങിമരിച്ചു. എരവത്തുകണ്ടി ഫൈസല് നസീറ ദമ്പതികളുടെ മകന് നസീഫ്അന്വര് (7) ആണ് മരിച്ചത്. വാടകക്ക് താമസിക്കുന്ന മുണ്ടോത്തുള്ള വീടിനുസമീപത്തെ പാറക്കുളത്തിലാണ് കുട്ടി വീണത്. വ്യാഴാഴ്ച വീടിനുസമീപം കളിച്ച ശേഷം ഇളയ സഹോദരനോടൊപ്പം കാല്കഴുകുന്നതിനായി എത്തിയപ്പോള് വെള്ളക്കെട്ടില് വഴുതി വീഴുകയായിരുന്നുവെന്ന് ബന്ധുക്കള് പറഞ്ഞു. ഉടന് തന്നെ മൊടക്കല്ലൂര് മെഡിക്കല് കോളജ് ആശുപത്രിയിലും, പിന്നീട് കോഴിക്കോട് മെഡിക്കല് കോളജ് ആശുപത്രിയിലും എത്തിച്ചിരുന്നു. ഇവിടെ ചികില്സയിലിരിക്കെ വൈകിട്ടോടെയാണ് മരണം സംഭവിച്ചത്. കക്കഞ്ചേരി മര്ക്കസ് പബ്ലിക് സ്കൂളിലാണ് നസീഫ് അന്വര് പഠിക്കുന്നത്.
