പ്രൈം വോളിയിൽ ജേതാക്കളായി കൊല്‍ക്കത്ത തണ്ടര്‍ബോള്‍ട്‌സ്
ആവേശം നിറഞ്ഞ പ്രൈംവോളിയുടെ കലാശപോരാട്ടത്തിൽ
ജേതാക്കളായി കൊല്‍ക്കത്ത തണ്ടര്‍ബോള്‍ട്‌സ്.
നേരിട്ടുള്ള സെറ്റുകൾക്ക് അഹമ്മദാബാദ് ഡിഫെന്റേഴ്‌സിനെയാണ് , കൊല്‍ക്കത്ത തണ്ടര്‍ബോള്‍ട്‌സ് പരാജയപ്പെടുത്തിയത്.
സ്കോർ: 15-13,15-10,15-12.
വിനിത്ത് കുമാര്‍, അഷ്വല്‍ റായ്,
രാഹുല്‍.കെ, മാത്യു ഓഗസ്റ്റ്,മുഹമ്മദ് റിയാസുദ്ദീന്‍ എന്നിവരുടെ മിന്നുന്ന പോരാട്ടമാണ് കൊൽക്കത്തക്ക് അനായാസ വിജയം സമ്മാനിച്ചത്.
അഹമ്മദാബാദിന് വേണ്ടി അങ്കമുത്തു, മുത്തുസാമി, ഷോണ്‍ ടി. ജോണ്‍, റോഡ്രിഗോ വില്ലാല്‍ബോ എന്നിവർ മികച്ച കളി പുറത്തെടുത്തെങ്കിലും കൊൽക്കത്തയുടെ മുൻപിൽ പിടിച്ച് നിൽക്കാനായില്ല.
കാലിക്കറ്റ് ഹീറോസിനെ നേരിട്ടുള്ള സെറ്റുകള്‍ക്ക് (16-14,15-10,17-15)പരാജയപ്പെടുത്തിയാണ് കൊല്‍ക്കത്ത തണ്ടര്‍ബോള്‍ട്‌സ് ഫൈനല്‍ പോരാട്ടത്തിനിറങ്ങിയത്. മലയാളി സണ്ണിജോസഫാണ് കൊൽക്കത്തയുടെ ഹെഡ്‌കോച്ച്.
